Sermon

KOHHRAN-HIMNA

Kristian Hlabu No.    ah chuan ‘Lalpa Zion Khawpuia min tel tir chuan,Khawvelin min hmusit mahse I hming chauh ka chhuang ange “ tih kan hmu a,

Tun tumah hian Kohhran chung chang tlem a zawng kan ngaihtuah ho dawn a ni.

Kan rilru leh taksa na,thlarau damna hmun chu Kohhran chauh hi a ni.Damna ka teh dan hi eng nge ni ang?Tisa damna chauh hi damna kim a ni lova,Bible changa kan hmuh angin taksa tihlum thei chu hlaulo turin min hrilh a,Thlarau thlenga tihlum thei chauh hlau turin min duh a,chumi laka kan him theihna awm chhun chu Kohhran chauh hi a ni.Lal Davidan Sam 84:10 ah chuan he ti hian a ti a, “I biak in hung chhung kawtlaia nikhat awm hi,ni sangkhat aiin a tha zawk si a.Suahsualna puanin te  a awm ai chuan,kan Pathian Biak Ina kawngkhar vengtu nih pawh ka duh zawk a ni” a ti.Kohhran hi a inhmang peih peih ta a ni lova,kan upa ho din a ni hek lo.Lal Isuan Petera hnenah, “He lungpui chungah hian ka Kohhran ho ka re chho anga,Mithi khawkhulh kawngkharte chuan chu chu an ngam lovang” (Mathaia 16:18) tih kan hmu.Kohhran neitu leh dintu chu Lal Isua chauh a ni a,keini hi chu a khawngaihna zara neihnu nihna chang ve thei chauh kan ni.Thenkhatin Kohhran hmusit ngam chiahlo mahila,a chhunga cheng rawngbawltute kan hmusit fo mai,kan va hre chianglo thin tak em!Kan va hmuhsita te kha Kohhran chhunga cheng an nih avangin an mahni kan hmusit a ni tawh lova,A Lu ber leh neitu Lal Isua kan hmusit zawk a ni.Chutih rual erawh chuan Kohhran chhunga chengte ngei pawh hi kan fimkhur a ngai khawp mai.Kohhran chhunga cheng in ti siin Kohhran kan ngainatloh chuan miten kan nunah eitur an hmu lovang.Mathaia 21 : 19 ah chuan Lal Isuan Theipui kung  a hauh thu kan hmu a , “Tin,a hnenah, “Kum khuain lo rah tawh suh ang che,” a ti a.Tin theipui chu a lo vuai ta nghal a.Chutiangin kan nun atangin Thlarau rah eitur kan rah chhuah tir loh chuan Lal Isua’n engtin nge min tih ve ang le?He Damdep Kohhran chuah hi Pathian chenna a ni bik lova,khawi I lova kan vah chhuah changte pawh hian Kohhran Inkhawm hi No.1 –ah kan dah a pawimawh takzet a ni.I nun kha miten an thlir reng che a,nangmah I inhriat chian aia letin miten an hmu chiang zawk che.Lal Isuan Petera hnenah tunge nia a hriat tia a zawh khan Simon Petera chuan, “Krista,Pathian nung fapa chu I ni” tiin a sawi thei nghal a nih kha.Nang hi nih leh miin I chanchin an sawiin Upa that chhia,rawngbawltu inkhawm ngaina lo an ti mai che angem?

            Thenkhatin Kohhran hi kan hriat chianloh luatah kan induh khum fo thin.In duh khum vak chi a ni lo,ka tello pawh hian Kohhran hi a kal thei lutuk,Kum engzat nge Kohhran hi itello khan a lo kal tawh,Centenary hial kan lawm tawh hi!  A rawngbawl tura a ko che a nih chuan tha taka a in chanvo an pek che I tihhlawhtlin sak mai kha a fin thlak zawk ang,Pathian hian a in duh khum ve palh ang che.Zu in miten ka duh hun hunah zu ka nghei thei an tih chhung chu an nghei theihloh zia an ti lang chiang a ni mai.Nang pawh ka duh hunah ka piangthar thei I lo ti ve thin em?I at zia I tilang rei mai mai a ni.

            Pa Pakhat hian Pastor Pakhat hnenah, “Pastor,hremhmun hi engtia hla nge?’ tiin elhsen takin a zawt a,Pastor chuan, “Ka hrelo le,he lai atanga hla vak loah pawh a ni mai thei”tiin a chhang a,chupa chuan a zawhna chu chhang tha thei vaklo va a hriat avang chuuan inti thei tak chuan a Sakawr chuan a tlan ta nghal a,rei pawh a tlan hmain a Sakawr  chuan a tumloh na tak a hma lawk a kham a awm tih pawh a hriat lohah chuan a tlanliam pui ta mai a,a thi chiang hle  a ni.Kan Pianthar loh chuan Hremhmun hi hmun hla takah a kan tan hian a awm kherlo mai thei a ni.Kan hmalam hun tur minute chu sawiloh second khat lek pawh kan hrelo,I khawvel hman lai kha midangte tawp rual a atawp ve lo anih pawhin I thih hun kha I tan khawvel a tawp hun chu a ni mai.

            Khawvel hi a tawp dawn tih hre reng chung siin engtin nge kan thla hi ala muan em em theih?I thlamuanna kha thlamuanna dik a ni aem?A thenin hlauh tur kan zawng a,hlauh tur hi zawn chawp angailo,Pathian tluka hlauh tur hi a awmlo.Inkhawm tam tam hian hlauh tur hi kan ngah emaw tih mai tur hian kan khawsa ,a thenin ramhuai kan hlau thul,ringtute tan Ramhuaite hi kan hlauh tur an ni reng em?Lal Isua kha ramhuaite khan an hmuh khan hnaih pawh an hnaih ngamlo a nih kha.Pathian fapa tih an hriat avangin Amah kha an hlau zawk a nih kha.A nih leh keimahniah hian Lal Isua Krista hi a awm ve lo nge ramhuai te hian an hmu theilo zawk?Keimahniah Lal Isua a awm chuan min hlau tur a nih laia keimahniin kan hlauh tlat zawk ni?In ngaihtuah kan ngai mange.Thenkhat lahin Adhaar chard neih kan hlau a,thenkhat lahin thimthuahhnih kan hlau a,a thenin indopui Pathumna.Tun hnaiah pawh Sipai tam deuh hlek kan hmu a,ka chiaia chung chu a nih hi…Hlauh tur dik tak hi kan va thelh chiang thin em?I hlauh chhan chu maw nangmah kha rorelna hmaa ding tura ila inpeih loh vang mai mai a ni.A dang a awmlo.Pathian mi a Kohhran chhunga chengte tan engmah hlauh tur a awmlo.

            Kan inkhawm peihlo chhuanlamin kan buaina kan chhuan lama,Luka 10:41-42 ah chuan Marthi hnenah Lal Isua’n “Marthi Marhi,thil tam tak I ngaihtuah a , I buai anih hi;Thil pakhat chuah a pawimawh e,Mari chuan tha chu a thlang a,chu chu laksak tur a ni love” ati a nih kha.Kan chhuan lam siamte avang hian kan chan tur tha kan chan loh phah thei a sin.Lal Isuan nang chu I buai em mai Vanrama lut hman pawh ini loh kha a tih che chuan I lungawi angem?

            Inkhawm chhung deuh thaw I mu thlu a,khuang a rik veleh a zai tui tuiah I tang leh lawi si a,nangmah thlir rengtu che atan chuan eitur hmuh a har thin em alawm.Chutih rual erawh chuan midang nun avangin Vanram hi I chang dawn lo.I rinloh tak takte hi Vanramah I hmu anga,I rin tak takte Meidilah I hmu nawk mai thei a ni.

            A tawp berah chuan kan chhungkuain harsatna kan tawh thin hrang hrangte hi Keimahni vang a ni thei,Pathianin Joba kha Nenevi khuaa tlangau turin a tir a,a nilo lam Tarsis lawngah a chuang daih a nih kha,mahse Pathianin a en liam mai mai lo,amah mai bakah a Lawnga a chuanpuite nen lam an pil tep a nih kha.Nova erawh chuan Pathian thu awiin Mite nuihzat tawk mahse a Lawng tuk a thulh duh chuang lova,a tawpah chuan an chhungkua chu chhanhim an ni.Kan chhungkaw him leh himlohna hi keinmahni ah hian thui tak a innghat ve thei tlat a ni.Tun hi hun hnuhnung a ni tawh a,Thlaite pawh Kohhrana in hmana zah thlak tawhloh,a hma deuh chuan Kohhran inhmangte chu lengrei deuh tur leh inti engemawa hriat kan nei thin,amaherawhchu tunah chuan a ni tawhlo,Kohhrana inhman hi channa a ni lova,tisa taka hlawkna a ni bawk hek lo.Thlarau lam ro kan khawlkhawmna a ni a, a inchhirawmloh.KOhhran kan belh chauh hian Zion Pathian khawpuia kan chen ve theihna a ni a,Pathian ropuina leh inpuanna kan hmuh theihna awm chhun a ni.